வடமேல் மாகாண தகவல் மற்றும் தொடர்பாடல் தொழில்நுட்ப (ICT) சேவை வகுப்பு 2 தரம் II திறந்த போட்டிப் பரீட்சை 2026

வடமேல் மாகாண சபை அரச சேவையின் தகவல் மற்றும் தொடர்பாடல் தொழில்நுட்ப சேவையின் வகுப்பு 2 தரம் II இல் நிலவும் வெற்றிடத்தை நிரப்புவதற்காக, வடமேல் மாகாணத்தில் நிரந்தர வதிவிடம் கொண்ட தகைமையுள்ள ஆண், பெண் இருபாலாரிடமிருந்தும் ஒன்லைன் விண்ணப்பங்கள் கோரப்பட்டுள்ளன.

• வெற்றிடங்கள்: 01
• பரீட்சை: 2026 நவம்பர் – குருநாகல் நகரில்
• ஒன்லைன் விண்ணப்ப முடிவு: 23.10.2026
• அச்சுப் பிரதி அனுப்ப வேண்டிய இறுதித் திகதி: 30.10.2026
• பரீட்சைக் கட்டணம்: ரூ. 1,200

கல்வித் தகைமைகள்

பின்வருவனவற்றில் ஏதேனும் ஒன்று (UGC அங்கீகரித்த பல்கலைக்கழகம் / பட்டம் வழங்கும் நிறுவனத்திலிருந்து):

1. கணினி விஞ்ஞானம் / தகவல் தொழில்நுட்பம் தொடர்பான பட்டம்; அல்லது
2. கணினி விஞ்ஞானம் / IT ஐ பிரதான பாடமாகக் கொண்ட பட்டம் (மொத்தப் பட்டத்தில் குறைந்தது 1/3 பங்கு கணினி / IT ஆக இருக்க வேண்டும்) மற்றும் கணினி விஞ்ஞானம் / IT இல் பட்டப்பின் டிப்ளோமா; அல்லது
3. ஏதேனும் ஒரு பட்டம் மற்றும் கணினி விஞ்ஞானம் / IT இல் பட்டப்பின் பட்டம்; அல்லது
4. மூன்றாம் நிலை மற்றும் தொழிற்கல்வி ஆணைக்குழு (TVEC) அங்கீகரித்த IT இல் குறைந்தது NVQ மட்டம் 07 மற்றும் உரிய துறையில் 02 வருட தொழில் அனுபவம்.

ஏனைய தகைமைகள்

• இலங்கைப் பிரஜையாகவும் சிறந்த நன்னடத்தை உடையவராகவும் இருத்தல்.
• வடமேல் மாகாணத்தின் எப்பகுதியிலும் பணியாற்றக்கூடிய உடல், உளத் தகைமை.
• விண்ணப்ப முடிவுத் திகதிக்கு முந்திய 03 வருடங்கள் வடமேல் மாகாணத்தில் நிரந்தர வதிவிடம் — நேர்முகப் பரீட்சையின்போது கிராம உத்தியோகத்தர் வழங்கும் வதிவிடச் சான்றிதழ் (DS 04) சமர்ப்பிக்க வேண்டும்.
• விண்ணப்ப முடிவுத் திகதியன்று வயது 21 – 35.

சம்பள அளவுத்திட்டம்

MN 6-2025 – ரூ. 62,230 – 10 × 1,190 – 11 × 1,360 – 15 × 1,670 – ரூ. 114,140 (பொது நிர்வாகச் சுற்றறிக்கை 10/2025). நிரந்தர, ஓய்வூதியப் பதவி; 03 வருட தகுதிகாண் காலம்; முதலாம் தடைதாண்டல் பரீட்சையில் சித்தியடைய வேண்டும்.

எழுத்துப் பரீட்சை

சிங்களம், தமிழ், ஆங்கிலம் – ஏதேனும் ஒரு மொழியில் (பின்னர் மாற்ற முடியாது).

1. தகவல் மற்றும் தொடர்பாடல் தொழில்நுட்பம் – 2 மணி – 100 புள்ளிகள்
2. உளச்சார்பு – 1 மணி – 100 புள்ளிகள் (பல்தேர்வு / குறுவிடை வினாக்கள் 50)
3. பொது நுண்ணறிவு – 1 மணி – 100 புள்ளிகள்

ஒவ்வொரு வினாத்தாளிலும் குறைந்தது 40% உம், மொத்தத்தில் குறைந்தது 50% உம் பெற வேண்டும். திறமை வரிசைப்படி நியமனம் வழங்கப்படும். தெளிவற்ற கையெழுத்து மற்றும் எழுத்துப் பிழைகளுக்குப் புள்ளிகள் குறைக்கப்படும்.

ICT பாடத்திட்டம்

ICT அடிப்படைகள், கணினிக் கட்டமைப்பு மற்றும் இயக்க முறைமைகள், அலுவலக மென்பொருட்கள் (Word, Spreadsheet, Presentation, Database), வன்பொருள், தரவுத் தொடர்பாடல் மற்றும் கணினி வலையமைப்புகள், இணையம், இணையத்தள வடிவமைப்பு மற்றும் புதிய இணையச் சேவைகள், மின்னஞ்சல், ICT திட்ட வாழ்க்கை வட்டம்.

விண்ணப்பிக்கும் முறை

1. பரீட்சைக் கட்டணம் ரூ. 1,200 ஐ வடமேல் மாகாணத்திலுள்ள ஏதேனும் பிரதேச செயலகத்தில், வருமானத் தலைப்பு 2003-02-13 இற்குச் செலுத்தி, உங்கள் பெயரில் பற்றுச்சீட்டு (ව.ප.ස.මු. 02 படிவம்) பெறவும். வேறு பற்றுச்சீட்டுகள் / காசுக் கட்டளைகள் ஏற்கப்படாது.
2. ஒன்லைன் விண்ணப்பத் தளத்தில் விண்ணப்பத்தைப் பூர்த்தி செய்யவும் – 23.10.2026 இற்கு முன்.
3. விண்ணப்பத்தை PDF ஆகப் பதிவிறக்கி அச்சிட்டு, பற்றுச்சீட்டை உரிய இடத்தில் ஒட்டவும்.
4. கையொப்பத்தை அரச பாடசாலை அதிபர், சமாதான நீதவான், சத்தியப்பிரமாண ஆணையாளர், சட்டத்தரணி, நொத்தாரிசு, முப்படை அதிகாரி, வர்த்தமானிப் பதவியுடைய பொலிஸ் அதிகாரி அல்லது மாதாந்த அடிப்படைச் சம்பளம் ரூ. 71,240 இற்கு மேற்பட்ட அரச நிரந்தர அலுவலர் ஒருவரால் உறுதிப்படுத்தவும்.
5. 30.10.2026 இற்கு முன் பதிவுத் தபால் / கூரியர் மூலம் அனுப்பவும்:

செயலாளர், வடமேல் மாகாண சபை அரச சேவை ஆணைக்குழு, மாகாண சபை அலுவலகத் தொகுதி, குருநாகல்.

கடித உறையின் இடது மேல் மூலையில் "வடமேல் மாகாண சபை அரச சேவையின் தகவல் மற்றும் தொடர்பாடல் தொழில்நுட்ப சேவையின் வகுப்பு 2 தரம் II இற்கு ஆட்சேர்ப்புச் செய்வதற்கான திறந்த போட்டிப் பரீட்சை – 2026" எனக் குறிப்பிடவும்.

அனுமதி அட்டைகள் தபால் மூலம் அனுப்பப்படும். பரீட்சைக்கு 3 நாட்களுக்கு முன்னர் கிடைக்காவிடின் ஆணைக்குழுவின் பரீட்சைப் பிரிவுக்கு உடனடியாக அறிவிக்கவும்.