இலங்கை நிர்வாக சேவை (SLAS) தரம் III மட்டுப்படுத்தப்பட்ட போட்டிப் பரீட்சை 2026 – 40 வெற்றிடங்கள்

இலங்கை நிர்வாக சேவையின் தரம் III இல் நிலவும் 40 வெற்றிடங்களை மட்டுப்படுத்தப்பட்ட அடிப்படையில் நிரப்புவதற்கான போட்டிப் பரீட்சை – 2026 இற்கு தகைமையுள்ள அரச அலுவலர்களிடமிருந்து விண்ணப்பங்கள் கோரப்பட்டுள்ளன.

• வெற்றிடங்கள்: 40
• விண்ணப்ப காலம்: 31.08.2026 மு.ப. 9.00 – 30.09.2026 பி.ப. 9.00
• பரீட்சை: 2026 டிசம்பர் – கொழும்பு மாவட்டத்தில்
• பரீட்சைக் கட்டணம்: ரூ. 1,200

கல்வித் தகைமை மற்றும் அனுபவம்

பின்வருவனவற்றில் ஒன்றைப் பூர்த்தி செய்திருக்க வேண்டும்:

1. UGC அங்கீகரித்த அரச / வெளிநாட்டுப் பல்கலைக்கழகப் பட்டம் (அல்லது பாராளுமன்றச் சட்டத்தின் கீழ் நிறுவப்பட்ட பல்கலைக்கழகப் பட்டம் / பல்கலைக்கழகச் சட்டத்தின் 25A பிரிவின் கீழ் அங்கீகரிக்கப்பட்ட பட்டம்) உடன், அரச அல்லது மாகாண அரச சேவையில் MN-2-2025 அல்லது அதற்கு மேற்பட்ட MN சம்பளக் குறியீடு / SL-1-2025 சம்பளக் குறியீட்டிலுள்ள நிரந்தர, ஓய்வூதியப் பதவியில் குறைந்தது 05 வருட திருப்திகரமான சேவை; அல்லது
2. மேற்படி சம்பளக் குறியீட்டிலுள்ள பதவியில் குறைந்தது 10 வருட திருப்திகரமான சேவை.

பட்டம் செல்லுபடியாகும் திகதி தகைமை பூர்த்தியாகும் திகதி அல்லது அதற்கு முன்னராக இருக்க வேண்டும்.

வயது மற்றும் ஏனைய தகைமைகள்

• வயது 53 இற்கு மேற்படக் கூடாது (28.08.1973 அல்லது அதற்குப் பின்னர் பிறந்தவர்கள்).
• தற்போதைய பதவியில் நியமனம் உறுதிப்படுத்தப்பட்டிருத்தல்.
• அரசாங்க சேவை ஆணைக்குழு சுற்றறிக்கை 01/2020 இன் படி ஒழுக்காற்றுத் தண்டனை பெற்றிருக்கக் கூடாது.
• இப்பரீட்சைக்கு அதிகபட்சம் 03 தடவைகள் மட்டுமே தோற்றலாம்.
• மத குருவாக இருக்கக் கூடாது.
• அனைத்துத் தகைமைகளும் வர்த்தமானி வெளியான திகதிக்கு (28.08.2026) முன்னர் பூர்த்தி செய்யப்பட்டிருக்க வேண்டும்.

சம்பள அளவுத்திட்டம்

SL-1-2025 – ரூ. 82,150 – 10 × 2,400 – 8 × 2,940 – 17 × 3,900 – ரூ. 195,970. நிரந்தர, ஓய்வூதியப் பதவி; 1 வருட தகுதிகாண் காலம்.

எழுத்துப் பரீட்சை

ஒவ்வொன்றும் 100 புள்ளிகள்; சித்திக்கு ஒவ்வொன்றிலும் குறைந்தது 50 புள்ளிகள்.

1. பொது நுண்ணறிவு – 1½ மணி (பல்தேர்வு)
2. இலங்கையின் சமூக, பொருளாதார, அரசியல் பின்னணி மற்றும் உலகப் போக்குகள் – 3 மணி
3. அரச நிர்வாக விடயக் கற்கை I (தாபனவிதிக் கோவை, PSC நடைமுறை விதிகள், நிதிப் பிரமாணங்கள்) – 3 மணி
4. அரச நிர்வாக விடயக் கற்கை II (ஆக்கத்திறன், பகுப்பாய்வு, தொடர்பாடல் திறன்) – 3 மணி

நேர்முகப் பரீட்சை

• பொது நேர்முகம்: தகைமைச் சரிபார்ப்பு – புள்ளிகள் இல்லை. வெற்றிடங்கள் + 25% எண்ணிக்கையானோர் மட்டும் அழைக்கப்படுவர்.
• கட்டமைக்கப்பட்ட நேர்முகம் – 25 புள்ளிகள்: முகாமைத்துவத் திறன் 10, தலைமைத்துவப் பண்புகள் 5, தொடர்பாடல் திறன் 5, ஆளுமை 5.

எழுத்துப் பரீட்சை மற்றும் கட்டமைக்கப்பட்ட நேர்முகப் புள்ளிகளின் கூட்டுத்தொகையின் அடிப்படையில் தெரிவு இடம்பெறும்.

விண்ணப்பிக்கும் முறை

• பரீட்சைகள் திணைக்கள இணையத்தளத்தில் ஒன்லைனில் மட்டும் (ஆங்கிலத்தில்) விண்ணப்பிக்கவும்.
• விண்ணப்பப் பிரதியை நிறுவனத் தலைவரிடம் ஒப்படைக்க வேண்டும்.
• ஒன்லைன் விண்ணப்பம்