மேல் மாகாண முகாமைத்துவ சேவை அலுவலர் (MSO) தரம் III மட்டுப்படுத்தப்பட்ட போட்டிப் பரீட்சை 2026 – 82 வெற்றிடங்கள்

மேல் மாகாண முகாமைத்துவ சேவை அலுவலர் சேவையின் தரம் III இற்கு ஆட்சேர்ப்புச் செய்வதற்கான மட்டுப்படுத்தப்பட்ட போட்டிப் பரீட்சை – 2026 இற்கு விண்ணப்பங்கள் கோரப்பட்டுள்ளன.

• வெற்றிடங்கள்: 82
• விண்ணப்ப காலம்: 14.09.2026 மு.ப. 9.00 – 09.10.2026 பி.ப. 9.00
• பரீட்சை: 2026 டிசம்பர் – கொழும்பு, கம்பஹா, களுத்துறை
• பரீட்சைக் கட்டணம்: ரூ. 600

யார் விண்ணப்பிக்கலாம்?

மேல் மாகாண அரச சேவையில் நிரந்தர நியமனம் பெற்று, நியமனம் உறுதிப்படுத்தப்பட்ட, பொது நிர்வாகச் சுற்றறிக்கை 10/2025 இன் படி ஆரம்ப மட்ட PL சம்பளக் குறியீடு அல்லது MN 1-2025 சம்பளக் குறியீட்டில் சம்பளம் பெறும் அலுவலர்கள் மட்டும்.

தகைமைகள்

• விண்ணப்ப முடிவுத் திகதியன்று நிரந்தரப் பதவியில் குறைந்தது 05 வருட திருப்திகரமான சேவை; மேல் மாகாண பிரதம செயலாளர் சுற்றறிக்கை 04/2021 இன் படி ஒழுக்காற்றுத் தண்டனை பெற்றிருக்கக் கூடாது (திணைக்களத் தலைவரின் சான்றுடன்).
• க.பொ.த. (சா/த) பரீட்சையில் இரண்டு அமர்வுகளுக்கு மேற்படாமல், சிங்களம்/தமிழ்/ஆங்கில மொழி மற்றும் கணிதம் உட்பட 06 பாடங்களில் சித்தி; அவற்றுள் குறைந்தது 02 திறமைச் சித்திகள்.
• சிறந்த நன்னடத்தை; மேல் மாகாணத்தின் எப்பகுதியிலும் பணியாற்றக்கூடிய உடல், உளத் தகைமை.
• அனைத்துத் தகைமைகளும் 09.10.2026 இற்குள் பூர்த்தி செய்யப்பட்டிருக்க வேண்டும்.

தகுதியற்றோர்: தற்காலிக / அமைய ஊழியர்கள்; சபைகள், கூட்டுத்தாபனங்கள் போன்றவற்றின் ஊழியர்கள்; அரைத் தொழில்நுட்ப அல்லது விசேட பயிற்சி பெற்ற தரங்களின் ஊழியர்கள். நிரந்தர நியமனத்திற்கு முந்திய தற்காலிக / பயிற்சிக் காலம் 5 வருட சேவைக்குக் கணக்கிடப்படாது.

சம்பளம்

MN 2-2025 – ரூ. 48,470 – 10 × 540 – 11 × 630 – 10 × 1,010 – 10 × 1,190 – ரூ. 82,800 (2027.01.01 முதல்). நிரந்தர, ஓய்வூதியப் பதவி; 1 வருட தகுதிகாண் காலம்; முதல் சேவை நிலையத்தில் குறைந்தது 03 வருடங்கள் பணியாற்ற வேண்டும்.

எழுத்துப் பரீட்சை

1. மொழித் திறன் மற்றும் MSO சேவைத் தகைமைப் பரீட்சை – 2½ மணி – 100 புள்ளிகள் (சித்தி 40)
   • பகுதி I: விளங்கல், சுருக்கம் எழுதல், கட்டுரை – 50 புள்ளிகள்
   • பகுதி II: MSO கடமைகள் தொடர்பான சம்பவம்/கூற்று அடிப்படையிலான வினாக்கள் – 50 புள்ளிகள்
2. உளச்சார்பு – 1 மணி – 100 புள்ளிகள் (சித்தி 40) – பல்தேர்வு / குறுவிடை வினாக்கள் 50

மொத்தப் புள்ளிகளில் குறைந்தது 50% பெற வேண்டும். வெற்றிடங்களின் 30% இற்குச் சமமான எண்ணிக்கையானோர் மட்டுமே திறமை வரிசைப்படி நேர்முகப் பரீட்சைக்கு அழைக்கப்படுவர். தெளிவற்ற கையெழுத்து மற்றும் எழுத்துப் பிழைகளுக்குப் புள்ளிகள் குறைக்கப்படும்.

விண்ணப்பிக்கும் முறை

• பரீட்சைகள் திணைக்கள இணையத்தளத்தில் ஒன்லைனில் மட்டும் (ஆங்கிலத்தில்) விண்ணப்பிக்கவும்.
• விண்ணப்பப் பிரதியை நிறுவனத் தலைவரிடம் ஒப்படைக்க வேண்டும்.
• ஒன்லைன் விண்ணப்பம்